Breaking News
भरतपुर अस्पतालमा दुई र चितवन मेडिकल कलेजमा एक जनाको कोरोना संक्रमणबाट मृत्यु
चितवन, भदौं २०-
भरतपुर अस्पतालमा दुई र चितवन मेडिकल कलेजमा एक जना कोरोना संक्रमितको मृत्यु भएको छ ।
स्वास्थ्य कार्यालय चितवनको अनुसार भरतपुर अस्पतालमा चितवनका दुई जना र चितवन मेडिकल कलेजमा दाङको एक जनाको मृत्यु भएको हो ।
योसँगै चितवनमा कोरोना संक्रमणको कारणले ४०१ जनाले ज्यान गुमाएका छन् । अहिले चितवनका विभिन्न अस्पतालमा ८९ जना कोरोना संक्रमितको उपचार भइरहेको छ । जसमध्ये आईसीयूमा ३७ जना, भेन्टिलेटरमा ६ जना, एचडीयूमा २१ जना र जेनरल बेडमा ३१ जना रहेका छन् । विगत २४ घण्टामा कोरोना संक्रमणबाट सात जना डिस्चार्ज भएका छन् ।
त्यसैगरी चितवनमा विगत २८ घण्टामा २४ जनामा कोरोना संक्रमण देखिएको छ । जसमध्ये भरतपुर महानगरपालिकामा २७ जना र माडी नगरपालिकामा १ जना रहेका छन् । चितवनमा सक्रिय संक्रमितको संख्या घटेर एक हजार १९ पुगेको छ । जसमा घरमा आइसोलेसनमा ९५६ जना र अस्पतालको आइसोलेसनमा ६३ जना रहेका छन् ।