चितवनमा आज कोरोना संक्रमणबाट तीन जनाको मृत्यु भएको छ ।
स्वास्थ्य कार्यालय चितवनको अनुसार भरतपुर अस्पतालमा एक जना, पुरानो मेडिकल कलेजमा एक जना र खैरहनी नगरपालिकामा घरमा आइसोलेसनमा बसेका एक जनाको मृत्यु भएको हो । जसमा चितवन जिल्लाका दुई जना र नवलपुरका एक जना रहेका छन् ।
चितवनका विभिन्न अस्पतालमा अहिले २५२ जना कोरोना संक्रमित बिरामीले उपचार गराइरहेका छन् । जसमध्ये आईसीयूमा १०५ जना, भेन्टिलेटरमा ४१ जना, एचडीयूमा ४७ जना र जेनरल बेडमा १०० जना रहेका छन् । स्वास्थ्य कार्यालयका अनुसार विगत २४ घण्टामा विभिन्न अस्पतालबाट २६ जना कोरोना संक्रमणका बिरामी डिस्चार्ज भएका छन् ।
