पछिल्लो २४ घण्टामा नेपालमा ३ हजार ६११ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार ९ हजार ७८३ पीसीआर परीक्षण गर्दा २ हजार ४६७ जना र ४ हजार ८७८ एन्टिजेन परीक्षण गर्दा १ हजार १४४ गरी ३ हजार ६११ जनामा कोरोना भाइरसको संक्रमण पुष्टि भएको हो ।
मन्त्रालय अनुसार पछिल्लो २४ घण्टामा कोरोना संक्रमणबाट २७ जनाको मृत्यु भएको छ भने हालसम्म कोरोना संक्रमणबाट ९ हजार ८३४ जनाको मृत्यु भएको छ ।
यस्तै आज कोरोना संक्रमणबाट १ हजार ८१६ जनामा कोरोना संक्रमणमुक्त भएका छन् भने हालसम्म ६ लाख ५२ हजार २६१ जना कोरोना संक्रमणमुक्त भएका छन् ।
