पछिल्लो २४ घण्टामा नेपालमा ३ हजार ८४० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार १० हजार ८८६ जनामा गरिएको पीसीआर परीक्षणमा २,६३४ र ४,९२२ जनामा गरिएको एन्टिजेन परीक्षणमा १,२०६ जना गरी ३,८४० जनामा कोरोना भाइरसको संक्रमण देखिएको हो ।
मन्त्रालय अनुसार पछिल्लो २४ घण्टामा कोरोना संक्रमणबाट ३३ जनाको मृत्यु भएको छ भने हालसम्म कोरोना संक्रमणबाट ९ हजार ७९१ जनाको मृत्यु भएको छ ।
यस्तै आज कोरोना संक्रमणबाट १ हजार ९९३ जनामा कोरोना संक्रमणमुक्त भएका छन् भने हालसम्म ६ लाख ४९ हजार ७२ जना कोरोना संक्रमणमुक्त भएका छन् ।
