चितवनमा आज एकैदिन १८९ जना कोरोना संक्रमित थपिएका छन् ।
स्वास्थ्य कार्यालयका अनुसार भरतपुर महानगरपालिकामा ८६ जना, खैरहनी नगरपालिकामा २८ जना, माडीमा ८ जना, रत्ननगरमा ३० जना, राप्ती नगरपालिकामा १७ जना, कालिकामा ८ जना र इच्छाकामनामा २ जना रहेका छन् । योसँगै चितवनमा सक्रिय संक्रमितको संख्या १९०३ जना पुगेको छ ।
त्यस्तै आज भरतपुर अस्पतालमा एक जना नवलपरासीका कोरोना संक्रमितको निधन भएको छ । चितवनका विभिन्न अस्पतालबाट विगत २४ घण्टामा २८ जना कोरोना संक्रमित डिस्चार्ज भएका छन् । १९७ जना कोरोना संक्रमित बिरामीले चितवनका विभिन्न अस्पतालमा उपचार गराइरहेका छन् । जसमध्ये आईसीयूमा ७० जना, भेन्टिलेटरमा ११ जना, एचडीयूमा ४५ जना, जेनरल बेडमा ८२ जना रहेका छन् ।
