नेपालमा पछिल्लो २४ घण्टामा थप २ हजार २३९ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ११ हजार ३१३ जनामा गरीएको परीक्षणमा पीसीआर विधिबाट १४७९ जना संक्रमित र एन्टिजेन विधिबाट ७६० जनामा संक्रमण पुष्टि भएको हो ।
मन्त्रालयका अनुसार पछिल्लो २४ घन्टामा १ हजार ३१६ जनामा कोरोना संक्रमणमुक्त भएका छन् । यससँगै नेपालमा कोरोनामुक्त हुनेको सङ्ख्या ६ लाख १६ हजार ९२९ पुगेको छ । नेपालमा कोरोना संक्रमणबाटमुक्त हुनेको दर ९४.५ प्रतिशत रहेको छ ।
यस्तै पछिल्लो २४ घण्टामा कोरोना संक्रमणबाट २० जनाको मृत्यु भएको छ भने हालसम्म कोरोना संक्रमणबाट ९ हजार ३४० जनाको मृत्यु भएको छ ।
