चितवनमा कोरोना संक्रमणबाट चार जनाको मृत्यु भएको छ ।
स्वास्थ्य कार्यालय चितवनले उपलब्ध गराएको तथ्यांक अनुसार चितवन मेडिकल कलेजमा आज एकैदिन चार कोरोना संक्रमितको मृत्यु भएको हो । चितवन मेडिकल कलेजकै आईसीयू र भेन्टिलेटरमा ५० जना संक्रमितको उपचार भइरहेको छ ।
चितवनका सो कलेजसहित अन्य विभिन्न अस्पतालमा गरेर जम्मा २०९ जना कोरोना संक्रमति बिरामीको उपचार भइरहेको छ । जसमध्ये आईसीयूमा ८१ जना, भेन्टिलेटरमा २० जना, एचडीयूमा ४० जना र जेनरल बेडमा ८८ जनाको उपचार भइरहेको छ । विगत २४ घण्टामा २४ जना कोरोना संक्रमित विभिन्न अस्पतालबाट डिस्चार्ज भएका छन् ।
