देवघाट रातेमाटेका २५ परिवारलाई रेडियो वितरण गरिएको छ ।
देवघाट गाउँपालिका अध्यक्ष दुर्गबहादुर थापाले सूचनाको पहुँचबाट कोही बञ्चित नहोस् भनेर रेडियो वितरण गरिएको जनाए । देवघाट गाउँपालिका–५ रातेमाटेका २५ घरपरिवारलाई करिब १५ हजार बराबरको रेडियो वितरण गरिएको अध्यक्ष थापाले जनाए । रेडियो वितरण कार्यक्रममा गाउँपालिका अध्यक्ष थापाले देशविदेशमा भएका घटनाक्रम, गाउँपालिकाले गरेका गतिविधि थाहा पाउन रेडियो सुन्ने बानीको विकास गराउन रेडियो वितरण गरिएको जनाए ।
सोही कार्यक्रममा कृषि तथा पशु शाखा प्रमुख पूर्णचन्द्र अधिकारीले देवघाट गाउँपालिका अध्यक्षले गरेको कार्यको प्रशंसा गरेका थिए । सूचना पहुँचबाट नजिक रहन स्थानीयलाई अधिकारीले आग्रह गरे । यस्तै सामुदायिक रेडियो देवघाटका स्टेशन म्यानेजर सुवास लामिछानेले रेडियो देवघाटका बारेमा जानकारी प्रदान गरेका थिए ।
रातेमाटे सुन्दर बस्ती टोल सुधार समितिका अध्यक्ष एवम् वुद्धिजीवी परिषद् देवघाटका अध्यक्ष डाक्टर सुरेन्द्र श्रेष्ठले गाउँपालिका अध्यक्षलाई धन्यवाद ज्ञापन गरे । कार्यक्रममा करिव ६० जना बढीको सहभागिता रहेको थियो ।
