चितवन, असार २
पछिल्लो दुई दिनदेखि नारायणी नदीमा आएको बाढीको बहाबमा आज केही कमी आएको छ । अहिले बाढीको बहाब घट्ने क्रममा रहेको छ ।
हिजो राति नारायणीको बहाब अहिलेसम्मकै उच्च विन्दुमा पुगेको थियो । नारायणीको सतह गए राति १०ः५० बजे १० दशमलव ४६ मिटर पुगेको थियो । नारायणी नदीको तह आठ मिटर र बहाव नौ हजार ९९२ घनमिटर प्रतिसेकेण्ड पुगेपछि खतराको तह पार गरेको मानिन्छ ।
गएराति नारायणीको तह उच्च विन्दुमा पुगे पनि आज बिहानदेखि नै नारायणीको सतह केही घट्दै आइरहेको छ । राती र आज दिन भरी पानी कम परेकाले बहाब घट्दै गएको हो ।
