पछिल्लो २४ घण्टामा थप ४ हजार ४७२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १७ हजार ९०३ जनाको परीक्षण गर्दा पीसीआर विधिबाट १२ हजार २ जना र एन्टिजेन विधिबाट ५,९०१ जना परीक्षण गर्दा जम्मा ४ हजार ४७२ जनामा कोरोना भाइरस संक्रमण पुष्टि भएको छ ।
आज कोरोना संक्रमणबाटमुक्त हुनेको संख्या ६ हजार ९५१ जना रहेको छ । देशभर हालसम्म कोरोना संक्रमणबाटमुक्त हुनेको कुल संख्या ४ लाख ९७ हजार ९६० पुगेको छ ।
आज कोरोना संक्रमणबाट ९२ जनाको मृत्यु भएको छ । योसँग कोरोना भाइरसबाट मृत्यु हुनेको कुल संख्या ७ हजार ९९० पुगेको छ ।
