मातृभूमि चितवनले भरतपुर अस्पतालमा उपचाररत कोरोना भाइरस संक्रमित बिरामीलाई पौष्टिक आहार सहयोग गरेको छ । बुधबार अस्पतालमा पुगेर मातृभूमिले १२० जनालाई पुग्ने पौष्टिक आहार वितरण गरेको हो ।
मातृभूमि चितवनका संयोजक सरोज घिमिरेले बिरामीलाई हौसला प्रदान गर्नका लागि पौष्टिक आहार वितरण गरिएको बताए । उनले आगामी दिनमा यस्तै सहयोग जारी राख्ने बताए ।
यस संस्थाले प्रहरीलाई मास्कका साथै अक्सिमिटर, थर्मोमिटरलगायतका स्वास्थ्य उपकरण वितरण गरिसकेको छ भने भरतपुर अस्पताललाई पनि स्वास्थ्य उपकरण सहयोग गरेको थियो ।
