प्रधानमन्त्री केपी शर्मा ओलीले पुनः विश्वासको मत लिन नचाहेपछि राष्ट्रपति विद्यादेवी भण्डारीले संविधानको धारा ७६ (५) बमोजिम नयाँ सरकार गठन गर्न आह्वान गरेकी छन् ।
प्रधानमन्त्री ओलीले विश्वासको मत नलिने र वैकल्पिक सरकार गठनका लागि मार्ग प्रशस्त गर्ने बताउँदै पत्र पठाएपछि राष्ट्रपतिले नयाँ सरकार गठनको आह्वान गरेकी हुन् । यसका लागि उनले दलहरुलाई जम्मा २१ घण्टा समय दिएकी छन् ।
जसअनुसार नयाँ प्रधानमन्त्री बन्न भोलि (जेठ ७ गते) साँझ ५ बजेसम्म प्रतिनिधिसभामा विश्वासको मत प्राप्त गर्न सक्ने आधार प्रस्तुत गर्नुपर्ने हुन्छ ।
