आउँदो फागुन २३ गते प्रतिनिधि सभा बैठक बोलाउन सरकारले सिफारिस गरेको छ ।
आज बसेको मन्त्रीपरिषद् बैठकले फागुन २३ मा संसद बैठक बोलाउन राष्ट्रपति विद्यादेवी भण्डारीसमक्ष सिफारिस गर्ने निर्णय गरेको छ ।
फागुन ११ मा सर्वोच्च अदालतले संसद विघटन गर्ने निर्णय बदर गर्दै १३ दिनभित्र संसद अधिवेशन बोलाउन परामादेश जारी गरेपछि सरकारले यो निर्णय गरेको हो । अब राष्ट्रपतिले संसद बैठक आह्वान गरेपछि नेकपा भित्रको विवाद सडकबाट सदनमा प्रवेश गर्ने पक्का छ ।
