नेपालमा पछिल्लो २४ घण्टामा थप एक हजार ६६९ जनामा कोरोना भाइरसको संक्रमण पुष्टि भएको छ। यससँगै नेपालमा हालसम्म कोरोना संक्रमितको कूल संख्या दुई लाख २० हजार ३०८ पुगेको छ।
स्वास्थ्य तथा जनसंख्या मन्त्रालयका अनुसार आइतबार देशभर पाँच हजार ६९९ जना कोरोना संक्रमित डिस्चार्ज भएका छन्। यससँगै हालसम्म डिस्चार्ज हुनेको संख्या एक लाख ९९ हजार २४ पुगेको छ। पछिल्लो २४ घण्टामा ८ हजार ३२ पीसीआर परीक्षण भएको छ। हाल देशभर १९ हजार ९६३ जना सक्रिय संक्रमित रहेका छन् भने ६८६ जना क्वारेन्टिनमा छन्।
