बागमती प्रदेशका मुख्यमन्त्री डोरमणि पौडेललाई कोरोना भाइरस (कोभिड–१९) संक्रमण भएको छ ।
केही समयअघि सामान्य रुघाखोकी देखिएपछि उनी स्वास्थ्य सावधानी अपनाए होम आइसोलेसनमा बसिरहेका थिए । उनको आज (बिहीबार) कोरोना रिपोर्ट पोजेटिभ आएको हो ।
मुख्यमन्त्री पौडेलको स्वास्थ्य अवस्था अहिले सामान्य रहेको उनका प्रेस सल्लाहकार प्रकाश दाहालले जानकारी दिएका छन् । यस्तै मुख्यमन्त्री पौडेलकी धर्मपत्नीलाई पनि संक्रमण पुष्टि भएको छ ।
मुख्यमन्त्रीको सुरक्षामा खटिएका एक जना सुरक्षाकर्मी, २ जना चालक र एक जना कार्यालय सहयोगीमा पनि आजै कोरोना संक्रमण पुष्टि भएको छ ।
