चितवनमा थप ६ जनामा कोरोना भाइरस संक्रमण पुष्टि भएको छ ।
भरतपुर अस्पताल कोभिड–१९ प्रयोगशालामा गरिएको परीक्षणमा चितवनका मात्रै ४ जना रहेका छन् । चितवनका ४ जना मध्ये तीन जना भरतपुर महानगरपालिकाका रहेका छन् । जसमध्ये एक जना क्वारेन्टिनमा थिए भने आशा अस्पताल र पुरानो मेडिकल कलेजबाट एक/एक जनाले स्वाब दिएका थिए ।
यस्तै कालिका नगरपालिका–२ का ५३ वर्षीय पुरुषमा पनि संक्रमण पुष्टि भएको छ ।
त्यसैगरि नवलपुरको गैंडाकोट नगरपालिका–१ का ३४ वर्षीय पुरुष र दाङ राजापुर–२ का २६ वर्षीया महिलामा पनि संक्रमण पुष्टि भएको छ । उनीहरु दुवै जनाको पुरानो मेडिकल कलेजबाट स्वाब संकलन गरिएको थियो ।
