चितवनमा शनिबार राति थप ८ जनामा कोरोना भाइरस (कोभिड–१९) संक्रमण पुष्टि भएको छ ।
भरतपुर अस्पताल कोभिड–१९ प्रयोगशालामा गरिएको परीक्षणमा चितवन र पूर्वी नवलपरासीका ८ जनामा संक्रमण पुष्टि भएको हो ।
संक्रमण पुष्टि हुनेमा चितवनको भरतपुर महानगरपालिका वडा नं.१०, १४ र १५ का ७ जना पुरुष रहेका छन् । उनीहरु ४१ देखि ६७ वर्ष उमेर समूहका छन् ।
यस्तै नवलपरासी पूर्व गैंडाकोट नगरपालिका–२ का ४५ वर्षीय पुरुषमा संक्रमण पुष्टि भएको छ । उनको आशा अस्पताल भरतपुरबाट स्वाब निकालिएको हो । शनिबार राति कुल २७४ नमुना परीक्षण गरिएको थियो ।
