नेपाली कांग्रेस चितवनले १०७ औं विपी जन्मजयन्तीका अवसरमा बुधबार रक्तदान कार्यक्रम गरेको छ ।
कोरोना संक्रमणको समयमा रगतको अभाव भएपछि रक्तदान कार्यक्रम गरिएको हो ।कार्यक्रममा एक महिलासहित ५२ जनाले रक्तदान गरेका छन् । रगतको अभावका कारण बिरामीको ज्यान जानु नपरोस् भनेर रक्तदान कार्यक्रम आयोजना गरिएको कांग्रेस चितवनका सभापति जीतनारायण श्रेष्ठले जनाकारी दिनुभयो ।
श्रेष्ठका अनुसार कोरोना कहरका कारण आकस्मिकरुपमा रक्तदान कार्यक्रम गरिएको हो । यसअघि आज बिहान विपी कोइराला मेमोरियल क्यान्सर अस्पतालमा रहेको विपीको शालिकमा माल्यापर्ण गरिएको थियो ।
