भरतपुर अस्पतालले कोरोना परीक्षण प्रयोगशालामा सुरुदेखि कार्यरत दुईजना प्राविधिकलाई आज सम्मानसहित बिदाइ गरेको छ ।
सम्मानसहित बिदाइ हुनेमा क्यान्सर अस्पतालमा कार्यरत क्लिनिकल माइक्रोबायोलोजिस्ट प्रदिप हमाल र वरिष्ठ ल्याब टेक्नोलोजिस्ट दिपक सुवेदी रहनु भएको छ । भर्खर कोरोना परीक्षण प्रयोगशाला सुरु गर्दा जनशक्तिको अभावले उहाँहरुलाई प्रयोगशालामा काम गराइएको भरतपुर अस्पतालका सूचना अधिकारी लिलाधर पौडेलले बताउनुभयो ।
अन्य अस्पतालबाट विज्ञहरु ल्लाएर प्रयोगशाला सुरु गरे पनि अहिले आफ्नै जनशक्तिमा सञ्चालन हुन थालेकोले उहाँहरुलाई सम्मानसहित बिदाइ गरिएको अस्पतालले जनाएको छ । प्रदेश सांसद विजय सुवेदी, भरतपुर अस्पतालका अध्यक्ष डाक्टर भोजराज अधिकारीसहित अस्पतालका विशिष्ट अधिकारीले उहाँहरुलाई मायाको चिनोसहित सम्मानित गर्नुभएको थियो । अहिले प्रयोगशालामा एक डाक्टरसहित ९ जना प्राविधिक रहेका छन् ।
