चितवनमा थप ३ जना चिकित्सकमा कोरोना भाइरस (कोभिड–१९) संक्रमण पुष्टि भएको छ ।
भरतपुर अस्पताल कोभिड १९ प्रयोगशालामा गरिएको परीक्षणमा तीन जना चिकित्सकमा संक्रमण पुष्टि भएको भरतपुर अस्पतालका सूचना अधिकारी लिलाधर पौडेलले जानकारी दिए । योसंगै चितवनमा कोरोना संक्रमित हुने स्वास्थ्यकर्मीको संख्या ८८ पुगेको छ ।
आज संक्रमण पुष्टि हुने चिकित्सकको थप विवरण आउन बाँकी छ । पछिल्लो समय बिरामीका उपचारमै खटिएका स्वास्थ्यकर्मीमा संक्रमण पुष्टि हुन थालेपछि थप जटिलता आउने संकेत देखिएको छ ।
