चितवनको माडीमा लामो समयपश्चात ५ महिने बालकसहित ९ जनामा कोरोना भाइरस संक्रमण पुष्टि भएको छ ।
भरतपुर अस्पताल कोभिड–१९ प्रयोगशालामा बुधबार राति गरिएको परीक्षणमा माडी नगरपालिका–६ र ७ का ५ जना पुरुष र ४ जना महिलामा कोरोना संक्रमण पुष्टि भएको हो ।
संक्रमण पुष्टि हुनेहरुमा ५ महिनाका बालकदेखि ४८ वर्षका पुरुष र ४० देखि ६० वर्ष उमेर समूहका महिला रहेका छन् । उनीहरु सबै क्वारेन्टिनमा रहेको बताइएको छ ।
पहिलो चरणको लकडाउनको अवधिमा माडीमा ४१ जनामा संक्रमण पुष्टि भएको थिया । लकडाउन खुलेपछि माडीमा पहिलोपटक संक्रमण पुष्टि भएको हो ।
