सप्तरीमा मृत्यु पछि थप एकजनामा कोरोना संक्रमणबाट पुष्टि भएको छ ।
सप्तरीको राजविराज नगरपालिका वडा नम्बर ४ बस्ने २८ वर्षीय युवकमा मृत्यु पछि कोरोना संक्रमण पुष्टि भएको जिल्ला स्वास्थ्य कार्यालय सप्तरीका प्रमुख दुनियालाल यादवले बताए ।
चार–पाँच दिन देखि रुघा खोकी, दम लगायतको समस्या देखिएपछि मंगलबार उपचारका लागि राजविराजस्थित छिन्नमस्ता अस्पतालको ओपिडिमा लगिएको थियो ।
केही समय अस्पतालको इमरजेन्सीमा भर्ना गराएर अक्सिजन पनि लगाएको तर त्यहाँ उपचार सम्भव नभएपछि बिपि कोइराला विज्ञान प्रतिष्ठान धरानमा रिफर गर्दा त्यहाँ नै ती व्यक्तिको मृत्यु भएको प्रमुख यादवले बताए ।
