चितवनमा तीन जना प्रहरी र एक जना थुनुवामा कोरोना भाइरस (कोभिड–१९) संक्रमण पुष्टि भएको छ ।
भरतपुर अस्पताल कोभिड–१९ प्रयोगशालामा गरिएको परीक्षणमा जिल्ला प्रहरी कार्यालय भरतपुरमा कार्यररत दुई जना प्रहरी र एक जना थुनुवामा कोरोना संक्रमण पुष्टि भएको जिल्ला स्वास्थ्य कार्यालय चितवनका प्रमुख दीपकबाब तिवारीले जानकारी दिए ।
उनका अनुसार शसस्त्र प्रहरी बल आँपटारीमा कार्यरत एक शसस्त्र जवानमा पनि कोरोना संक्रमण पुष्टि भएको छ ।
सुर्खेत घर भएका २२ वर्षीय शसस्त्र जवान घरबाट आएर शसस्त्र प्रहरीकै क्वारेन्टिनमा बसेका थिए । चितवनमा शनिबार कुल ८ जनामा कोरोना भाइरस संक्रमण पुष्टि भएको थियो ।
