सुनको भाउ तोलाको झण्डै एक लाख रुपैयाँ पुगेको छ । सुनको भाउ बढेर आज तोलाको ९९ हजार ६ सय रूपैयाँ पुगेको हो।
आज तोलामा ३ सय रुपैयाँ बढेर सुनको भाउ तोलाको ९९ हजार ६ सय रुपैयाँ निर्धारण गरिएको नेपाल सुनचाँदी व्यवसायी महासङ्घले जनाएको छ । यो अहिलेसम्मकै महँगो भाउ हो ।
कोरोना सङ्क्रमणका कारण विश्व अर्थतन्त्र नै ओरालो लागिरहेको बेला सुनको भाउ भने दिनदिनै उकालो लागिरहेको छ ।
चाँदीको मूल्य प्रतितोला २५ रूपैयाँले बढेको छ। चाँदी प्रतितोला १२ सय ३० रूपैयाँमा कारोबार भइरहेको महासंघले जनाएको छ।
