सोमबार प्रतितोला ९१ हजारमा कारोबार भएको सुन आज भने ४ सय रुपैयाँले घट्दै ९० हजार ६ सयमा कारोबार भइरहेको नेपाल सुनचाँदी व्यावसायी महासंघले जनाएको छ ।
यसैगरी, तेजावी सुनको भाउ पनि प्रतितोला ९० हजार १६० रुपैयाँमा आएको छ ।
यता, चाँदीको मूल्य भने प्रतितोला ९४० रुपैयाँ तोकिएको छ । सोमबार छापावाल सुनको मूल्य प्रतितोला ९१ हजार रुपैयाँ रहेको थियो । त्यस्तै, तेजावी सुनको मूल्य प्रतितोला ९० हजार ५६५ रुपैयाँ निर्धारण भएको थियो । चाँदीको मूल्य भने प्रतितोला ९५० रुपैयाँ थियो ।
