बिकास अधिकारी,

नवलपरासी, वैशाख १०–

पश्चिम नवलपरासीको बर्दघाटका एक वृद्धको पीसीआर कोरोना परीक्षण रिपोर्ट नेगेटिभ आएको छ । प्रदेश जनस्वास्थ्य प्रयोगशाला बुटवलमा भएको परीक्षणमा रिर्पोट नेगेटिभ आएको जिल्ला स्वास्थ्य कार्यालय पश्चिम नवलपरासीका प्रमुख गौरब ढकालले जानकारी दिए ।
ती ७८ वर्षिय वृद्ध व्यक्तिको बर्दघाटको चिसापानी अस्पतामा भएको र्‍यापिड टेष्टमा पोजेटिभ आएपछि कोरोना संक्रमणको आशंकामा पीसीआर परीक्षणका लागि पृथ्वीचन्द्र अस्पताल परासीमा नमूना संकलन गरी बुटवल पठाईएको थियो । ती वृद्धलाई लुम्बिनी प्रादेशिक अस्पताल बुटवलको आईसोलेनसमा राखिएकोमा अब डिस्चार्ज गरिने अस्पतालका कोरोना फोकल चिकित्सक सुर्दशन थापाले जानकारी दिए ।