दक्षिण एशियाका आठ देशमा हालसम्म कोरोना भाइरसको संक्रमणबाट ८१० जनाको मृत्यु भएको छ । त्यस्तै कोरोना संक्रमितको संख्या पनि तीब्र गतिमा फैलिएको छ ।
हालसम्म दक्षिण एशियाली राष्ट्रहरुमा २८ हजार १ सय ३३ जनामा कोरोना भाइरसको संक्रमण भएको पुष्टि भएको छ।
आठ देशमध्ये कोरोना भाइरसबाट सबैभन्दा बढी प्रभावित भएको भारतमा मात्रै अहिलेसम्म १६ हजार ३ सय ६५ जनामा कोरोना भाइरसको संक्रमण देखिएको छ भने ५ सय २१ जनाको मृत्यु भइसकेको छ।
भारतपछि पाकिस्तान सबैभन्दा बढी प्रभावित देखिएको छ। पाकिस्तानमा कोरोना भाइरसको संक्रमणबाट अहिलेसम्म १ सय ५९ जनाले ज्यान गुमाएका छन् भने ७ हजार ९ सय ९३ जनामा संक्रमण देखिएको छ।
बंगलादेशमा हालसम्म कोरोनाबाट ९१ जनाको मृत्यु भएको छ भने २४ सय ५६ जनामा संक्रमण पुष्टि भएको छ। यस्तै अफगानिस्तानमा अहिलेसम्म ९ सय ९३ जना कोरोना भाइरसबाट संक्रमित बनेका छन् भने ३२ जनाको मृत्यु भएको छ।
श्रीलंकामा पनि कोरोना भाइरसबाट ज्यान गुमाउनेको संख्या ७ पुगेको छ भने २ सय ५४ जनामा संक्रमण देखिएको छ।
माल्दिभ्समा ३६ कोरोना संक्रमित भेटिएका छन् ।
यसैगरी नेपालमा ३१ र भुटानमा ५ जना कोरोना संक्रमित भेटिएका छन् ।
