विश्वव्यापी महामारीको रुप लिएको कोरोना भाइरसको संक्रमणको सुरुवात भएको चीनको वुहान शहरमा बुधबार नयाँ संक्रमित भएनन् । गएको डिसेम्बर हुबेई प्रान्तको वुहानमा पहिलोपटक कोरोना भाइरसको संक्रमण देखिएको थियो ।
तर बुधबार पहिलोपटक वुहानमा नयाँ संक्रमण नपाइएको स्थानीय अधिकारीले बताएका छन् । वुहानमा बुधबार कोरोना भाइरसका कारण थप ८ जनाको ज्यान गएको छ । तर नयाँ संक्रमण देखिएको छैन । हुबेई प्रान्तमा ६७ हजार ८०० जना संक्रमण भएको छ । हुबेईको राजधानी वुहानमा संक्रमितको संख्या ५० हजार पाँच रहेको छ ।
