अर्थ
सुन प्रतितोला ८२ हजार ५०० पुग्यो
काठमाडौं, फागुन २३-
संसारभर कोरोना भाइरस संक्रमणको बढ्दो प्रभावसँगै सेयर बजार र डलरको भाउमा असर परेपछि सुनको मूल्य लगातार उक्लिएको छ ।
एकैदिन १८०० बढेर सुनको मूल्य शुक्रबार प्रतितोला ८२ हजार ५०० रूपैयाँ पुगेको छ ।
नेपाली बजारमा सुनको भाउ शुक्रबार वर्षकै सर्वाधिकमा पुगेको नेपाल सुन चाँदी व्यवसायी महासंघले जनाएको छ । बिहिबार प्रतितोला ८० हजार ७ सयमा कारोबार भएको थियो । बुधबार ८० हजार ५ सय, मंगलबार ७८ हजार ३ सय, सोमबार र आइतबार ७८ हजारमा खरिद-बिक्री भएको थियो ।
बिहीबार बैंकहरूले अब नगद जसरी सुन पनि निक्षेपका हिसाबले ग्राहकले जम्मा गर्न सकिने सूचना सार्वजनिक गरेका थिए ।
त्यसैगरि चाँदीको भाउ पनि १० रुपैयाँले बढेर शुक्रबार प्रतितोला ८९० पुगेको छ । बुधबार र बिहीबार ८ सय ८० रुपैयाँमा कारोबार भएको थियो । त्यसअघि यो साता आइतबारदेखि मंगलबारसम्मका तीन दिन प्रतितोला ८६० रूपैयाँमा स्थिर थियो ।
अन्तर्राष्ट्रिय बजारमा शक्रबार सुन प्रतिऔंस १६७९.६० डलरमा कारोबार भएको छ ।