छिमेकी मुलुक चीनबाट फैलिएको कोरोना भाइरस अहिले ६० भन्दा बढी देश फैलिएपछि सरकारले सचेत हुन आग्रह गरेको छ ।
कोरोनाको संक्रमण फैलिन नदिन सरकारले ठूला सभा, सम्मेलन र भोजभतेर नगर्न आह्वान समेत गरेको छ । स्वास्थ्य तथा जनसंख्यामन्त्री भानुभक्त ढकालले नेपालमा कोरोना भाइरसको जोखिम बढेको भन्दै धेरै मानिस भेला हुने कार्यक्रम नगर्न आह्वान गरेका हुन् ।
कोरोनाको उच्च जोखिममा परेपछि सरकारले कडाईका साथ प्रस्तुत हुन थालेको उनले जानकारी दिए । मन्त्री ढकालले भने–‘त्यस्तै अवस्था आएमा अन्तर्राष्ट्रिय हवाई उडान समेत रोक्छौं, विमानस्थल पुरै बन्द गर्ने कि भन्ने विषयमा पनि छलफल गरिरहेका छौं ।’
