खेलकुद
भलिबलमा नेपाल पुलिस र त्रिभुवन आर्मी क्लब विजयी
चितवन, फागुन ७-
दिवाकर भुसाल स्मृति राष्ट्रिय क्लब च्याम्पियनशीप दोस्रो पुरुष भलिबल प्रतियोगितामा विभागीय टोली नेपाल पुलिस क्लब र त्रिभुवन आर्मी क्लब विजयी भएका छन् ।
आज सम्पन्न पहिलो खेलमा वाग्मती प्रदेश क्लबलाई ३–० को सेटमा पराजित गदै नेपाल पुलिस क्लब विजयी भएको हो । उद्घाटन खेलमा वाग्मती प्रदेश क्लबलार्ई २५–९ ,२५–१६ र २५–८ को सोझो सेटमा पराजित गदै पुलिस क्लबले विजयी सुरुवात गरेको हो ।
यस्तै आज सम्पन्न दोस्रो खेलमा सहारा सुपर मार्केटलाई २५–१८,२५–१७ र २५–२० को सेटमा पराजित गदै त्रिभुवन आर्मी क्लब विजयी भएको हो । आजदेखि सुरु भएको भलिबल प्रतियोगिता फागुन ११ गतेसम्म सञ्चालन हुनेछ । ६ राष्ट्रिय भलिबल टिमको सहभागिता रहेको भलिबलमा प्रथम स्थान हासिल गर्ने टोलीले नगद दुई लाखसहित आर्कषक ट्रफी प्राप्त गर्नेछ भने दोस्रो स्थान हासिल गर्नेले एक लाख, तृतीय स्थान हासिल गर्नेले ५० हजार र सान्त्वना हुने टोलीले २५ हजार प्राप्त गर्ने आयोजक नगर खेलकुद विकास समिति माडी अध्यक्ष एवम् माडी नगरपालिका ५ वडा अध्यक्ष रामबन्धु पोख्रेलले जानकारी दिए ।