चितवनका प्रहरी प्रमुख प्रहरी उपरीक्षक नान्तिराज गुरुङले चितवन प्रहरी कसैको प्रलोभन र दबाबमा नपर्ने बताएका छन् । केही दिनअघि सरुवा भएर आएका उनले आइतबार पत्रकारहरु संगको भेटमा भने,प्रहरी नितान्त जनता र राष्ट्रको सेवा गर्ने संगठन हो,त्यसैले चितवन जिल्लाको शान्ति सुरक्षा र जनताको पक्षमा कुनै कसर बाँकी राख्दिन ।उनले प्रहरी संगठनलाई बलियो र सक्षम बनाउन जनस्तरबाट पनि सहयोग चाहिने बताए ।
सबैको सहयोग विना कुनैपनि काम सफल हुँदैन,उनले भने,प्रहरी संगठन दरिलो बनाउन सबैको साथ आवश्यक छ । प्रहरीमा राजनीतिक दल र ठूला व्यवसायीको प्रभाव परिरहेको आरोप लागिरहेका बेला उनले आफू रहुन्जेल कसैको दबाब र करकापमा काम नगर्ने दावी गरे । समन्वय त सबै पक्षसंग गर्नुपर्छ भन्दैमा चाकडीमा लाग्नुपनि त राम्रो होइन,उनले भने ।
