भरतपुर १२ नवरत्न टोलमा रहेको ग्रीनल्याण्ड पब्लिक स्कुलले बृक्षारोपण कार्यक्रम गरेको छ । स्कुलले शुक्रबार रामवेल सामुदायिक वनको परिसरभित्र वृक्षारोपण गरेको हो । ग्रीनल्याण्ड इको क्लब, ग्रीनल्याण्ड स्काउट ट्रुप, कम्युनिटी क्लब, युथ रेडक्रस सर्कल र खुशीको संसार क्लब लगायतले वृक्षारोपण गरेका हुन् ।
वृक्षारोपण कार्यक्रमका प्रमुख अतिथी रामवेल सामुदायिक वनका अध्यक्ष वेद बहादुर थापाले बिद्यालय र त्यहाका विद्यार्थीहरुले वृक्षारोपण जस्तो बातावरण जोगाउने काम गरेको भन्दै खुशी ब्यक्त गरे । यस्तै उनले वृक्षारोपणको आवश्यकता बारे पनि प्रष्ट परेका थिए । कार्यक्रममा बिद्यालयका विद्यार्थी, शिक्षक,सामुदायिक वनका पदाधिकारी लगायतको उपस्थिती रहेको थियो ।
