चितवन जेठ २८ –

भरतपुरको एक होटलमा गएराती चोरी भएको छ । भरतपुर महानगरपालिका १० विरेन्द्र क्याम्पस रोडमा रहेको फूड वेज होटलमा सटर फोडेर नगद चोरी भएको होटल सञ्चालक हरिचन्द्र अधिकारीले नारायणी अनलाइनलाई जानकारी दिए । होटलबाट १२ हजार नगद चोरी भएको र सिसाहरु फूटाइएको उनले बताए ।

बिहान मात्र आफूले थाहा पाएको र प्रहरीले पनि घटनाको विवरण संकलन गरिसकेको उनले बताए । चोरीमा संलग्नको पहिचान भइसकेको तर प्रहरीले अहिलेसम्म नियन्त्रणमा लिन नसकेको उनको भनाई छ । पछिल्लो समय चितवनमा चोरिका घटना बढेका छन् ।