क्रिकेट

आईपीएल क्रिकेट : धोनी र रायडु चम्किएपछि चेन्नईको छैटौं जित

Banner

काठमाडौं– भारतमा जारी इन्डियन प्रिमियर लिग (आईपीएल) क्रिकेट अन्तर्गत गएराति भएको खेलमा शीर्ष स्थानको चेन्नई सुपर किङ्सले रोमाञ्चक जित हात पारेको छ ।

राजस्थान रोयल्सलाई ४ विकेटले पराजित गर्दै चेन्नईले छैटौं जित निकालेको हो । १५२ रनको विजयी लक्ष्यसहित मैदानमा उत्रिएको चेन्नईले पुरै २० ओभर खेल्दै ६ विकेट गुमाएर लक्ष्य पूरा गरेको थियो ।

२४ रन जोड्दा ४ विकेट गुमाईसकेको चेन्नईका लागि कप्तान महेन्द्र सिंह धोनी र अम्बाती रायडुले उकासेका थिए । चेन्नईको जितमा धोनीले ५८ र रायडुले ५७ रनको अर्धशतकीय इनिङ्स खेले ।

यस्तै मिचेल स्टाननरले अविजित १० तथा रविचन्द्र आश्विनले अविजित ९ रन बनाए । राजस्थानका बेन स्टोक्सले दुई विकेट लिए । यस्तै धवल कुलकर्मी, जयदेव उनाडकट र जोफ्रा आर्चरले एक–एक विकेट लिएका थिए ।

यस टस हारेर पहिले ब्याटिङ गरेको राजस्थानले पुरै २० ओभर खेल्दै ७ गुमाएर १५१ रन बनाएको थियो । राजस्थानका लागि बेन स्टोक्सले २८ रन जोड्दा जोस बट्लरले २३ रन जोडे । यस्तै रियन परागले १६, स्टिभ स्मिथले १५ तथा कप्तान अजिंका रहानेले १४ रन बनाएका थिए ।

चेन्नईका रविचन्द्र आश्विन,सार्दुल ठाकुर र दिपक चाहरले समान २र२ विकेट लिए । जितसंगै शीर्ष स्थानको चेन्नईले ७ खेलबाट १२ अंक जोडेको छ । ६ खेलमा २ अंक जोडेको राजस्थान लिगको पुछारबाट दोस्रो स्थानमा रहेको छ ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

छुटाउनु भयो कि?

>