काठमाडौं– आज मिति २०७५ चैत २७ गते मंगलबार । आजका पत्रपत्रिकाले सर्वोच्च अदालतले एनसेल लाभकर सम्बन्धमा गरेको फैसलाको समाचारलाई पहिलो पृष्ठमा छापेका छन् । ‘एनसेलसँग तीन महिनाभित्र लाभकर उठाउनू’ शीर्षकमा आजको राजधानी दैनिकले एनसेलबाट ६० अर्ब ७१ करोड भन्दा बढी असुुल हुने जनाएको छ ।
त्यस्तै राजधानीले निजी विद्यालयको मनपरी शीर्षकमा अर्को समाचार छापेको छ । नयाँ शैक्षिकसत्र शुरु हुनै लाग्दा काठमाडौंसहित देशभरका अधिकांश निजी विद्यालयले विद्यार्थीबाट विभिन्न शीर्षकमा मनपरी रकम असुल्ने गरेका छन् । यसले अभिभावकहरु चरम आर्थिक शोषणमा परेका छन् ।
सरकारले प्रभावकारी अनुगमन गर्न नसक्दा निजी विद्यालयहरुमा यस्तो बेथिति देखिएको हो । निजी विद्यालयले आर्थिक शोषणका गर्ने माध्यमका रुपमा तोकिएकै स्टेशनरीबाट पुस्तक किन्न दबाब दिने, विद्यार्थी पोसाकमा सिन्डिकेट, फरक फरक शीर्षकमा शूल्क लगायतलाई बनाउने गरेका छन् ।
त्यस्तै पात्रिकाले अझै किचलोमै कांग्रेस शीर्षकमा अर्को समाचार छापेको छ । प्रदेश तथा प्रतिनिधिसभा निर्वाचनपछि प्रमुख प्रतिपक्षी दलको भूमिकामा पुगको नेपाली कांग्रेस आन्तरिक कलहकै कारण झनै किचलोमा फस्दै गएको छ ।
कांग्रेसका पूर्वमहामन्त्री समेत रहेका नेता कृष्णप्रसाद सिटौलाले पार्टीलाई सही ठाउँमा राख्न नसक्ने नेतृत्वले दुई तिहाइको सत्तासँग लड्न नसक्ने दाबी गर्दै दमन र दबाबमा पार्टी नचल्ने तर्क गरेको समाचारमा जनाइएको छ ।
यस्तै पत्रिकाले बजेट अभावमा गैंडा गण्ना अन्योल शीर्षकमा अर्को समाचार छापेको छ । बजेट अभावका कारण एकसिंगे गैंडाको गणना कार्य अन्योलमा परेको समाचारमा जनाइएको छ ।
राजधानी दैनिकले १ हजार २ सय ९८ रोपनी जग्गाको अवस्था अन्योल शीर्षकमा ६ राणाकालीन दरबारमाथि नै भूमाफियाले चलखेल गरेको उल्लेख अर्को समाचार छापेको छ ।
हडप्ने प्रयास गरिएका सरकारी जग्गाहरुमा ललिता निवास बालुवाटार, लक्ष्मी निवास महाराजगन्ज, बरबमहल कुरिया गाउँ, हरिहर भवन ललितपुर पुल्चोक, महावीर भवन नक्सा र सीता भवन नक्साल भएको समाचारमा जनाइएको छ ।
