काठमाडौं-राष्ट्रिय जनता पार्टी (राजपा)को अध्यक्ष मण्डल बैठक आज (मंगलबार) पार्टी केन्द्रीय कार्यालयमा बसिरहेको छ ।
बैठकमा पार्टीको आगामी महाधिवेशनको तयारीका विषयमा छलफल भइरहेको राजपाका महासचिव केशव झाले खबरहबलाई जानकारी दिए ।
त्यस्तै बैठकमा उपेन्द्र यादव नेतृत्वको संघीय समाजवादी फोरमसँगको पार्टी एकता विषयमा पनि छलफल भइरहेको छ ।
संघीय समाजवादी फोरम नेपालसँगको एकताका विषयमा गम्भीर छलफल भएको तथा फोरमले पार्टी एकताका लागि राजपालाई पत्राचार गरेकोले सोही विषयमा पनि आजको छलफल केन्द्रीत रहेको झाले बताए ।
