भारत– पूर्वोत्तर भारतका नेपालीभाषी बहुल गोर्खाल्याण्डको विषयलाई समेत समेटेर भारतको सत्तारुढ भारतीय जनता पार्टी भाजपाले चुनावी घोषणापत्र जारी गरेको छ ।
बिहीबारबाट शुरु हुन लागेको आम निर्वाचनका लागि भाजपाले जारी गरेको घोषणापत्रमा नेपाली भाषी गोर्खालीका ११ जातिलाई अनुसूचित जातिको सूचीमा राखिने आश्वासन दिइएको छ ।
त्यसबाहेक घोषणापत्रमा सिक्किम राज्यको विधानसभामा नेपालीभाषी तामाङ र लिम्बू जातिलाई आरक्षण दिने बाचा गरिएको छ ।
त्यस्तै, घोषणापत्रमा पूर्वोत्तर भारतको दार्जिलिङ, पहाड, सिलिगुडी तराई र दुर्सको विषयमा स्थायी राजनीतिक समाधान खोजिने उल्लेख छ ।
