काठमाडौं– नेपाली राष्ट्रिय टोलीका लेग स्पिनर सन्दीप लामिछाने रोयल च्यालेन्जर्स बैंगलोरविरुद्ध दिल्लीको पहिलो रोजाइमा परेका छन् । इन्डियन प्रिमियर लिग (आईपीएल) मा छैठौं खेल खेल्न लागेको दिल्लीको प्लेइङ ११ सन्दीप परेका हुन् ।
बैंगलोरको घरेलु मेदानमा हुन लागेको खेलमा दिल्लीले टस जितेर फिल्डिङ रोजेको छ । यो सिजनमा लय समात्न नसकेको बैंगलोरले घरेलु मैदानमा दिल्लीविरुद्ध जितको लक्ष्य बनाएको छ ।
यसअघिका दुई खेलमा जीत हात पारेको दिल्लीको पछिल्ला खेलहरुमा ब्याटिङ कमजोर देखिएको छ । नेपाली फ्यानहरुका लागि बैंगलोरविरुद्ध दिल्लीका पहिलो रोजाइमा परेका स्पिनर सन्दीपले आफ्नो लय कायम गर्न सक्लान् ? भन्ने प्रश्न मुख्य बनेको छ ।
