नेकपा एमालेका महासचिव शंकर पोखरेलसहितका नेताहरूले पार्टी केन्द्रीय सदस्य तथा बागमती प्रदेशसभा दलका नेता जगन्नाथ थपलियाको स्वास्थ्य अवस्थाबारे जानकारी लिएका छन् । शनिबार एमाले महासचिव पोखरेल, सचिव राजन भट्टराईसहितका नेताहरू वीर अस्पताल पुगेर अस्पतालमा उपचाररत थपलियाको स्वास्थ्य अवस्थाबारे जानकारी लिँदै स्वास्थ्य लाभको कामना गरेका हुन् ।
अस्पतालका चिकित्सकका अनुसार थपलियाको स्वास्थ्य अवस्थामा क्रमिक सुधार भइरहेको छ । नेताहरूले उनको उपचारमा संलग्न चिकित्सकसँग स्वास्थ्य अवस्थाबारे जानकारीसमेत लिएका थिए ।
