देशका विभिन्न ठाउँमा खाना पकाउने एलपीजी ग्यासको अभाव देखिन थालेको छ ।
उपभोक्ताहरु ग्यास सप्लायर्सकहाँ लाइन लाग्न थालेका छन् । एक सिलिन्डर ग्याउ पाउन हप्ता दिनसम्म कुर्नपर्ने बाध्यता उपभोक्ताले भोग्नुपरेको छ ।
निगमले फागुन अन्तिमदेखि आधा सिलिन्डर ग्यास वितरण गरिरहेको थियो । असार अन्तिमदेखि भरी सिलिन्डर वितरण हुँदा उपभोक्ताबाट माग बढी हुन थाल्यो । मुख्यतः यही कारण साउन पहिलो हप्तादेखि बजारमा ग्यास पाउन मुस्किल परेको छ ।
बजारमा उपभोक्ताले ग्यास नपाइरहँदा नेपाल आयल निगमले भने कुनै अभाव नरहेको दाबी गर्दै आएको छ ।
बालाजु औद्योगिक क्षेत्रमा रहेको नेपाल ग्यासमा सेवाग्राहीको लाइन लामो देखिन्छ ।
