काठमाडौँ, ८ असार :
सम्पत्ति शुद्धीकरणको मुद्दामा सुर्खेतबाट पक्राउ परेका नेकपा एमालेका उपाध्यक्ष एवं पूर्वअर्थमन्त्री विष्णुप्रसाद पौडेललाई आज नेपालगन्जमै राखिने भएको छ।
सुर्खेतबाट काठमाडौंका लागि सिधा हवाई उडान उपलब्ध नभएकाले उनलाई सडक मार्ग हुँदै बाँके पुर्याइएको हो।
प्रहरी उच्च स्रोतका अनुसार पौडेललाई आज राति नेपालगन्जमै सुरक्षा घेरामा राखेर भोलि मंगलबार बिहानको पहिलो उडानबाट काठमाडौं ल्याउने तयारी गरिएको छ।
