आज (बुधबार) दुई वटा संसदीय समितिको बैठक बस्ने भएको छ ।
अर्थ समितिको बैठक र सार्वजनिक लेखा समितिको बैठक बस्ने भएको हो ।
बिहान ८ बजे बस्ने बैठकमा आ.व.२०८३\८४ को राजश्व र व्ययको अनुमान (बजेट) का मुख्य—मुख्य व्यवस्थाका सम्बन्धमा माननीय अर्थ मन्त्रीसँग छलफल गर्न कार्यसूची छ । यसैगरी, समितिको मस्यौदा कार्यविधिमाथि पनि छलफल हुने छ ।
यस्तै, बिहान ८ बजे बस्ने सार्वजनिक लेखा समितिको बैठकमा विद्युतीय सवारी साधनको जाँचपास सम्बन्धमा हालै उठेका प्रश्नउपर छलफल हुने कार्यसूची छ । रासस
