नेपाली बजारमा केही दिनयता लगातार घटिरहेको सुनको मूल्य आज बढेको छ ।
मंगलबार सुनको मूल्य तोलामा ३७ सय रुपैयाँले बढेको हो । नेपाल सुनचाँदी व्यवसायी महासंघका अनुसार यस दिन सुनको मूल्य प्रतितोला दुई लाख ९० हजार ३०० रुपैयाँ तोकिएको छ ।
अघिल्लो दिन (सोमबार) प्रतितोला दुई लाख ८६ हजार ६०० रुपैयाँमा कारोबार भएको थियो ।
त्यसैगरी, चाँदीको मूल्य तोलामा १३५ रुपैयाँले बढेर प्रतितोला पाँच हजार ३३५ रुपैयाँ कायम भएको छ ।
हिजो चाँदी पाँच हजार २०० रुपैयाँमा कारोबार भएको थियो ।
