काठमाडौं, माघ ५-
आगामी फागुन २१ गते हुने प्रतिनिधिसभा निर्वाचनका लागि नेपाली कम्युनिस्ट पार्टी (नेकपा) ले उम्मेदवार टुंगो लगाएको छ।
१८ भन्दा बढी दलहरू एकतापछि बनेको नेकपाले सोमबारसम्म पार्टीबाट चुनाव लड्ने उम्मेदवार टुंगो लगाएको हो।
सप्तरी ४, सर्लाही ४, रसुवा १ र ललितपुर २ मा भने उम्मेदवार टुंगो लाग्न बाँकी छ। राजधानीबाट टाढा टाढाका जिल्लाका उम्मेदवार बन्ने नेताहरूलाई नेकपा संयोजक पुष्पकमल दाहाल प्रचण्ड र सह संयोजक माधवकुमार नेपालले पार्टी केन्द्रीय कार्यालय पेरिसडाँडामै बोलाएर टिकट दिएर पठाएका थिए।
संयोजक प्रचण्ड यसपालि पूर्वी रूकुमबाट चुनाव लड्दैछन्। सहसंयोजक माधवकुमार नेपाल भने रौतहट(१ बाटै चुनाव लड्ने भएका छन्। प्रतिनिधिसभा निर्वाचनका लागि मंगलबार मनोनयन दर्ताको कार्यक्रम छ।
