चितवनका इच्छाकामना गाउँपालिकामा आज साँझ बलेरो दुर्घटना हुँदा ४ जना घाइते भएका छन् ।
इच्छाकामना–२ हपनी स्थित भित्री सडक खण्डमा फिस्लिङबाट हपनी तर्फ जाँदै गरेको बागमती प्रदेश ०१–००२ झ ६६६२ नम्बरको हपनी कृषिको बलेरो सडक देखी अन्दाजी ५०० मिटर तल खसेको हो । बलेरोमा सवार रहेका ४ जना घाइते भएका छन् । घाइते हुनेमा बलेरो चालक इच्छाकामना–२ बस्ने २५ का विकास प्रजा, सोही स्थानका ८० वर्षका बीर बहादुर प्रजा, वर्ष १९ का विष्णु प्रजा र वर्ष ३४ का कर्ण बहादुर प्रजा रहेका छन् । घाइते मध्ये ८० वर्षीय बीरबहादुरको अवस्था गम्भिर रहेको प्रहरीले जनाएको छ ।
दुर्घटनामा परेको बलेरोलाई कृषि एम्बुलेन्सको रुपमा प्रयोग गरिएको थियो ।
