दोस्रो संस्करणको नेपाल प्रिमियर लिगको ट्रफी टुर चितवनमा कार्तिक ४ गते (मंगलबार) हुने भएको छ । फ्रेन्चाइज टोली चितवन राइनोजले ट्रफी टुरको तालिका सार्वजनिक गरेको छ ।
नारायणघाटस्थित क्याम्पाचौरबाट सुरु हुने टुर रत्ननगरको सौराहा पुगेर समापन हुनेछ । ट्रफी टुर विहान ९ बजेदेखी सुरु हुने र राइनोजका खेलाडीहरुसंग भेटघाट गर्न सकिने चितवन राइनोजका अध्यक्ष आयुष न्यौपानेले जानकारी दिए । ट्रफी टुरसंगै मोटरसाइकल र्याली समेत निकालिने छ ।
यस्तो छ रुटः
क्याम्पाचौर हुँदै नेपाल प्रहरी शिक्षालय, आँपटारी, पोखरा बसपार्क, पुलचोक, लायन्स चोक, सिएमसी, चौविसकोठी, भरतपुर विमानस्थल, हाकिम चोक, केन्द्रीय बस टर्मिनल, गोन्द्राङ, निपनी, टाँडी हुँदै सौराहामा समापन
