सञ्चार तथा सूचना प्रविधिमन्त्री जगदीश खरेलमाथि योजनाबिना सस्तो लोकप्रियताका लागि निर्णय लिएको आरोप धरान उपमहानगरपालिकाका मेयर हर्क साम्पाङले लगाएका छन्।
सामाजिक सञ्जाल फेसबुकमार्फत उनले मन्त्री खरेलले मन्त्री भएपछि हावामा लोकप्रिय निर्णय गर्दै हिँडेको आरोप लगाएका हुन् ।
उनले सामाजिक सञ्जालमा लेखेका छन्, ‘सूचना तथा सञ्चार मन्त्रीले वाइफाइ वितरण गर्ने निर्णय होइन हाम्रो सरकारी सञ्चार प्रणाली सूत्रको सर्भर छिटो गराउनुपर्छ ! सरकारी प्रणाली चौपट छ, हावामा लोकप्रिय निर्णय गर्दै हिँडेको छ !’
