चितवन, असोज ७–

नारायणघाट–मुग्लिन सडक खण्ड फेरि अवरुद्ध बनेको छ ।

आज दिउँसो इच्छाकामना–५ तुइन खेलामा फेरि पहिरो खसेपछि फेरि दुईतर्फी बाटो अवरुद्ध भएको हो । निरन्तर ढुंगा झरेको कारण उपकरण संचालन गरि पहिरो हटाउनमा समस्या भइरहेको सडक डिभिजन कार्यालय भरतपुरले जनाएको छ ।

यसअघि शुक्रबार साँझ खसेको पहिरो ४६ घण्टापछि आइतबार यो सडक खण्ड संचालनमा आएको थियो । तर सोमबार पनि दिउँसो करिव ४ घण्टा बाटो बन्द गरेर दुई तर्फी खुलाईएको थियो । अहिले फेरि बाटो अवरुद्ध हुँदा दशै मनाउन जान लागेका यात्रुहरु मर्कामा परेका छन् ।