एमाले नेता महेश बस्नेतले भ्रम छरेको हामी नेपालले बताएो छ । हामी नेपालले संयोजक सुदन गुरूङ एमाले प्रवेश गर्न लागेको भनेर नेता बस्नेतले गरेको टिप्पणीमा सत्यता नभएको जनाएको हो।
आज (शनिबार) प्रेस विज्ञप्ती जारी गरेर हामी नेपालले एमाले नेता बस्नेतसँग संयोजक गुरूङको कुराकानी नै नभएको समेत बताएको छ ।
शुक्रबार एमाले नेता महेश बस्नेतले सुदन गुरूङ एमालेमा प्रवेश गर्ने लागेको भनेर दिएको अभिव्यक्ति सामाजिक सञ्जालमार्फत सार्वजनिक भएका थिए। ‘सुदन गुरूङले महेश बस्नेतसँग अहिलेसम्म कुराकानी गरेका छैनन् । गर्ने पनि छैनन्,’ विज्ञप्तीमा भनिएको छ।
परिवर्तनका लागि सम्पूर्ण राष्ट्र एकताबद्ध भएको समयमा भ्रम नछर्न पनि हामी नेपालले नेता बस्नेतलाई आग्रह गरेको छ।
